If you 2

  If you

why the destiny is so...?

البارت على الواتباد

ام كيوهيون:ابنى بقى التانى فى قايمه  التبرع انا مش عارفه انتى عملتى ايه بالظبط

سى را:انا معملتش حاجه ما تقلقيش دة...

(فجأه لقت حد بيشدها من ايديها وبيضربها على وشها بالقلم وقعت سى را على الارض و بصت لجونغ سوك بصدمه)
جونغ سوك(بعصبيه):انتى اتجننتى يعنى اية تطلبى منهم يخلوكى رقم تلاته فى القايمه ردى عليا بجد انتى بتستغلى انك المسؤله عن نفسك انتى  انانيه وما بتحسيش بالى حواليكى قولنا لسه هنعمل اشعه انتى ازاى مهمله كدة وما بتراعيش مشاعر حد

سى را(بحرقه):وانت ليه مش راضى تراعى مشاعى

(مشى جونغ سوك وساب سى را على الارض دموعها بتنزل فى صمت  وكل الى فى المستشفى واقف مصدوم ..قربت ام كيوهيون علشان تساعدها تقف اعتذرت سى را منها ومشيت..خرجت سى را من المستشفى وقعدت  على الكرسى الى فى حديقه المستشفى وهى حاطه السماعات وعماله تلعب فى سلسله فى ايديها وكل شوية تفتحها تبصلها كأنها بتحيكلها حاجه وتقفلها تانى  ودموعها بتنزل بصمت..حست سى را بأيد بتتحط عليها اتنفضت بسرعه من مكانها لقت ام كيوهيون قدامها)

ام كيوهيون:جبتلك لبن وكيك انتى اكيد ما اكلتيش

(ابتسمت سى را واخدتهم منها)

ام كيوهيون:ممكن افهم ايه الى حصل

سى را:مفيش (فتحت علبه اللبن وقعدت تشرب منها)

ام كيوهيون:متأكدة ان مفيش

سى را(ابتسمت بسخريه):اصل انا زى كيوهيون برضه عندى قصور فى الشريان التاجى بس انا زياده حبتين عن حالته فمينفعش ادخل اوضه عمليات لان ضغط الاوضة والبينج بيتعبونى فلما دخلت انتى شفتى الى حصل

ام كيوهيون:والقايمه

سى را:انا رقم اتنين فى قايمه التبرع بالقلب فى كوريا وكان كيوهيون التالت فانا طلبت نبدل

ام كيوهيون(بصدمه):ايه

سى را:هههههههههه مجنونه صح

ام كيوهيون(بصدمه):انتى بتتكلمى جد

سى را:اه (بأحراج:) انا فان لكيوهيون من فتره طويله فبجد هيبقى صعب عليا اشوفه تعبان متخافيش محدش عارف بموضوع القايمه غير الى فى المستشفى ومحدش يقدر يتكلم عنه لان دى خصوصيات

ام كيوهيون:بس

(رن جهاز تنبيه سى را)

سى را:معلش  بينادوا عليا جوه تقريبا علشان الم حاجتى  بعد اذنك

(قامت سى را من مكانها ووقعت السلسله منها من غير ما تلاحظ..بصت ام كيوهيون ولفت نظرها شكل السلسله انحنت علشان تجيبها   وفتحتها اول لما شافت الصورة شهقت بصدمه )

ام كيوهيون:اونى

(فى المستشفى)

كيونج هى:الى انا سمعته دة صح

سى را :سمعتى ايه

كيونج هى:انتى اتجننتى

سى را:نوعا ما

كيونج هى:ياااه

سى را:خلاص بقى كفايه انا عملت قرارى

كيونج هى:قرار ايه انك تموتى نفسك

سى را :ولو هو حصله حاجه انا فعلا هموت

كيونج هى(بصدمه):انا بجد ندمانه انى وديتك الحفله من الاساس

سى را(بسخريه):وانتى فكرك ان حياتى هتكون نفس الشكل من غيره

كيونج هى(بعطف):سى را

سى را:احتمال تكون فى غلط فى الاشعه  بما ان المستشفى التانيه قالت كده

كيونج هى:حتى لو فى امل انتى ازاى تفكرى فى حاجه زى دى

سى را(بعصبيه):انهى الموضوع

كيونج هى (صرخت):انتى عندك قصور فى الشريان التاجى محتاجه العمليه النهارده قبل بكره كل يوم حالتك بتسوء وانتى بتقولى انهى الموضوع(عيطت) هو مفيش حد مهم بالنسبه ليكى خالص

سى را(ببرود):كيونج هى انا قررت ودة نهايه قرارى ومش هرجع فيه خالص مهما حصل لو كيو بجد كويس انا هقدر اكمل حياتى احسن بس من غيره مش هقدر اعيش

(مشيت سى را  وسابت كيونج هى مكانها بتعيط... راحت سى را وقفت قدام باب اوضه كيوهيون وبتلمس الباب براحه بصوابعها وبتعيط بصوت مكتوم وصلت ام كيوهيون وشافتها راحت عليها بسرعه ومسكتها بالراحه من ايديها واخدتها فى حضنها وهى بتعيط بصتلها سى را بصدمه وبعدت براحه عنها وبصتلها بصه استغراب)

سى را:اية الى حصل

ام كيوهيون:انتى بنت كيم بو اون

سى را:ها

ام كيوهيون:ردى عليا الاول

سى را:ايوة ايه الى عرفك باسم امى

ام كيوهيون(بصتلها بشغف):انا هى كيو 

سى را:ام كيوهيون؟ ايوة

هى كيو:لا انا قبل ما اكون ام كيوهيون انا كنت صاحبه امك  هي كيو

سى را:ها

(ادتها السلسله)

هى كيو(عيطت):انا وامك كنا جيران وكنا اصحاب مقربين لغايه اما امك قررت تسيب البيت وتتجوز ابوكى

(اول لما سمعت سى را اسم * ابوكى حست بخنقه و بوجع فى قلبها وهى كيو بتتكلم)

هى كيو:امك سابت البيت ومشيت وقتها مقدرتش ابقى على اتصال معاها وجدك رفض يعرفنى مكانها بما انها مشيت من غير ااذنه بس قبل ما يموت قالى فالى (بلعت ريقها والدموع اتكون فى عنيها) انها ماتت وان ليها بنت (مسكت ايد سى را) صدقينى انا دورت عليكى كتير جدا بس ..بس ملقتكيش انا اسفه يا سى را بجد اسفه حقك عليا

( بصتلها سى را وكأن روحها اتسحبت من جسمها ووشها كله لونه اتغير  حضنتها هى كيو تانى )

هى كيو(عيطت):بجد اسفه ليكى ..انا فعلا حسيت اول لما شفتك انك مش غريبه عليا

سى را(بصدمه):يعنى انتى عارفه ماما بجد

هى كيو:ايوه وعارفه اهلها كويس لو عايزة تقابليهم اكيد هيبقى نفسهم يقابلوا بنت بو اون

سى را(اتفزعت وبصت لهى كيو بخضه):لا شكرا انا مش عايزة اقابل ناس مخيفه طردوا امى لما راحتلهم وهى بتموت حتى جدى الى بتقولى عليه دة ميقربليش غير بالاسم

هى كيو:لا جدك دور عليكى صدقينى بس خالك هو السبب منه لله

(اتنفضت سى را وجسمها ارتعش وابتدت حرارتها تقل)

سى را(بضعف):لو سمحت انا مش عايزة اتكلم عن اى حاجه عن الناس دى ارجوكى ..(بلعت ريقها بصعوبه)انا محتاجه   امشى دلوقتى

(سابت سى را ايد كيوهى وجريت  بسرعه ..راحت سى را لاوضتها فى المستشفى لمت حاجتها وروحت  على البيت البيت..دخلت سى را بخطوات تقيله..البيت ضالمه وبارد وصور امها محاوطها فى كل مكان ...قعدت سى را على الارض وابتدت تصرخ صرخات مكتومه)

Flash back 19 years

كيم بو اون:بصى يا سى را احنا النهارده هنروح عند بيت جدك

سى را:جدى

كيم بو اون:ايوة جدك الى هو ابويا  هسيبهك هناك مع خالك الكبير

سى را:خالى؟؟مين ده

كيم بو اون:ههههههههههه خالك الى هو  اخويا الكبير

سى را:ليه يا ماما

كيم بو اون:علشان ..علشان هسيبك عندهم

سى را:ها ليه يا ماما

كيم بو اون:لغايه ما اعمل العمليه بس وهرجعلك تانى

سى را(عيطت):هو انتى كمان هتسبينى زى بابا ما سبنا

(حضنتها بو اون)

كيم بو اون:اوعى تقولى كدة انا هسيبك عندهم فتره بس علشان طنط مارى ما تتعبش ونشيلها مشاكلنا وكمان خالك هيعملك  الى انتى عوزاه متخفايش يلا بينا

(مسكت سى را ايد بو اون و راحوا على بيت جد سى را ..فتحت الشغاله الباب لبو اون)

الشغاله:حضرتك مين

بو اون(بأحراج):انا

(ظهر هان سول من وراها )

هان سول:ياااه اخيرا شفتك يا اختى

بو اون:ازيك اوبا

هان سول:انا كويس اتفضلى(بص للشغاله )روحى اعملى شاى وهاتى بسكويت على مكتبى ..اتفضلى يا بو اون دة بيتك برضه (ابتسم بسخريه..دخلت بو اون المكتب  وفى ايديها سى را)

 بو اون:بابا فين

هان سول:فى البيت الريفى

كيم بو اون:انا عايزة اطلب طلب منك اوبا

هان سول:طبعا

كيم بو اون:سيب سى را عندكم ارجوك

(بص هان سول لسى را فانحنت ليه بسرعه)

سى را:انيوهسايو خالى

هان سول(ضحك باستهازاء):ههههههههههههههه خالى ههههه بنتك جميله شبهك بس شكلها برضه غبيه زيك

بو اون:اخرجى برة يا سى را ثوانى واقفلى الباب

(خرجت سى را من الاوضة بهدوء  وقبل ما تقفل الباب لقت امها بتركع على الارض بتتوسل)

بو اون:ارجوك انا هعمل عمليه  ومعرفش هخرج ولا لأ وانتوا اهل سى را

هان سول:هههههههههه جايه دلوقتى تفتكرى ان ليكى اهل بعد 12 سنه

بو اون:اوبا ارجوك بنتى ملهاش ذنب دى لسه صغيرة ارجوكم

هان سول:اطلعى برة وانسى انك تاخدى حاجه من الميراث انتى او بنتك

بو اون:انا مش عايزة فلوس صدقنى بس اهتم بسى را بقولك صدقنى مش عارفه هخرج اصلا ولا لو مت ومرجعتش وقتها ابقى امشى بحكم بابا والى بابا عاوز يعملوا فى سى را يعمله

هان سول:بقولك بره انا كنت كويس لغايه دلوقتى وماحرجتكيش قدام بنتك عايزة تموتى موتى بكرامه بدل ما انادى على بنتك تشوف امها مذلوله كدة

(بصتله بو اون بحقد وقامت)

بو اون:انا لو مت صدقنى هلعنك فى السما وذنب بنتى هيبقى فى رقبتك

هان سول(ببرود):انا مستنى

(خرجت بو اون من الاوضه)

سى را:ماما انتى كويسه

بو اون:دييه يلا نروح بيتنا

سى را:دييه متخافيش يا ماما انا مش بحب خالو ده هفضل معاكى انتى وبس

(ابتسمت بو اون وشالت سى را ومشيوا)

End flash back

(فضلت سى را تعيط لغايه ما غلبها النوم  ....  بليل فى نفس اليوم صحيت سى را على صوت الباب بصت سى را فى موبيلها)

سى را:الساعه لسه 8 مستحيل تكون كيونج هى اكيد ما سبتش الشغل يعنى  ومعاها هى وطنط المفتاح

( قامت سى را بحذر وفتحت الباب)

هى كيو:مساء النور

( بصتلها سى را بصدمه وانحنت ليها)

سى را:مساء الخير

هى كيو (بفرح):انا جيت اقولك ان كيوهيون فاق

سى را(عنيها اتملت دموع) :بجد طيب انا ..انا (وفضلت تلف حوالين نفسها).انا هروح اغير وهاجى

هى كيو:البسى وتعالى معايا هنروح سوا

سى را:طيب ادخلى حضرتك ثوانى بس هستحمى علشان انا جيت من الشغل  تعبانه

هى كيو:انتى لحقتى تنامى اصلا

سى را: حلوين اوى كده  بالنسبه اصلا انى دكتورة طوارئ

(جريت سى را لاوضتها دخلت استحمت ولبست هدومها وخرجت)

سى را(بابتسامه):انا جاهزة

هى كيو:طيب يلا بينا

(فى العربيه)

سى را:بس اية الى جاب حضرتك هنا

هى كيو:بعد اما كيونا فاق واتطمنت عليه والدكتور قالى انهم هياخدوه لاوضه الاشعه قولت اروح اغير هدومى حاجه مريحه اكتر وسألت صاحبتك على عنوانك قولت اعرفك واخدك معايا تشوفيه

سى را(باحراج):شكرا ليكى بجد

هى كيو:بس انتى بيتك مش بعيد اوى عن المستشفى

سى را:دييه هى محطه واحد بالاتوبيس بس احلى حاجه لما بحب اتمشى  بنزل بدرى بساعه مثلا علشان اخد راحتى ولو هقعد شويه فى كافيه وكمان فى هنا مناظر كتير حلوه

(ابتسمت كيو هى ليها)

هى كيو:شبه مامتك اوى

(بصت سى را فى الارض بحزن وابتسمت ابتسامه بهته...فى نفس الوقت فى المستشفى فى اوضه كيوهيون)

جونغ سوك(بغضب ممزوج بسخريه):احمد ربنا استاذ كيوهيون ان الكتورة سى را كانت موجوده فى الطوارئ دى تعتبر احسن دكتورة فى التخصص بتاعنا

كيوهيون:اه ديييه

جونغ سوك:انا هروح اطمن على رسم القلب والاشعه بتاعتك

كيوهيون:ديييه

جونغ سوك:استاذ تشو اون ون

اون ون:دييه

جونغ سوك:ياريت تيجى معايا

اون ون :دييه..كيوهيون ارجوك ما تعملش حاجه تتعب نفسك

كيوهيون:حاضر يا بابا

(خرج اون ون وجونغ سوك من اوضه كيوهيون..شويه وبنت دلخت وهى مغطيه وشها باسكارف.اول لما كيوهيون شافها اتنفض وحاول يتعدل فى قعدته)

كيوهيون(بصدمه):انتى

سيوهيون:دييه اوبا انا

كيوهيون(باستغراب):ممكن افهم اية سبب الرساله دى

سيوهيون(ببرود):اوبا انا مش قادره اكمل مواعدتنا انا تعبت

كيوهيون:منى

سيوهيون:من كل حاجه وعايزة اركز اكتر فى تمثيلى وشغلى مش عايزة اخسر اى حاجه

كيوهيون:ومين قالك اننا هنخسر حاجه احنا بنحب بعض

سيوهيون:حبى ليك مش كفايه

كيوهيون:يااه سيوهيون

سيوهيون:انا عارفه انى المفروض اراعى كلامى على اساس انك تعبان وانى ما ازعجكش بس انا فعلا مش قادره اكمل معاك

كيوهيون:سيوهيونااه

سيوهيون :ارجوك بلاش تتعب نفسك  لغايه ما تخف على الاقل وتعمل عمليه قلب

كيوهيون:ها قلب

سيوهيون(باشفاق):ايوة انت عندك قصور فى الشريان التاجى ومحتاج تبرع بالقلب كل الى فى الشركه عارفين كدة  بس لسه الشركه منزلتش خبر

كيوهيون(بصدمه):انا

سيوهيون: ده برضه سبب انا مش هقدر اعلق حياتى على واحد ممكن يموت فى اى لحظه

كيوهيون(عيط):انتى جبتى القسوه دى كلها منين

سيوهيون(ببرود):انا مش قاسيه  انا واقعيه

(دخلت سى را الاوضة بسرعه بعد ما سمعت كيوهيون بيعيط)

سى را(بغضب):لو سمحت ممكن تمشى المريض تعبان ومحتاج راحه  ومينفعش دلوقتى زيارات

سيوهيون:متخافيش اصلا همشى

كيوهيون(بعصبيه):ياااه انتى مين اصلا  وبأى  وجه حق تكلميها بالطريقه دى

(احمر وش سى را وبصت فى الارض بسرعه)

سى را :بصفتى بصفتى

هى كيو (اتدخلت):بصفتها الدكتورة بتاعتك

كيوهيون(بغضب):الدكتور بتاعى كان معايا فى الاشعه وبعد كدة لو انتى الدكتورة بتاعتى تدخلى اوضتى باستأذان مش كدة

سيوهيون(ببرود):اوبا انا ماشيه

كيوهيون(بعطف):سيوهيون ارجوكى

(بصتله سيوهيون وخرجت من الاوضه بص كيوهيون بغضب لسى را وحدف المخده عليها بعصبيه )

كيوهيون(بغضب):اطلعى برة انتى مين اصلا علشان تدخلى

(بلعت سى را ريقها بصعوبه )

هى كيو:يا كيونا اية الى انت بتعمله دة

كيوهيون:انتى مش سمعانى بقولك بره

(خرجت سى را من الاوضة بسرعه قلبها بينبض بعنف دقايق و هى كيو سمعت صوت برة الاوضة خرجت لقت سى را على الارض والممرضات حواليها بيستعدوا ينقلوها لاوضه تانيه... دخلت تانى هي كيو لكيوهيون وعنيها بتدمع)

كيوهيون:ايه الدوشه الى بره دة

كيوهى(بحزن):هى كانت خايفه عليك يا بنى انت ما شفتش شكلها لما دخلتك اوضه العمليات ولما خرجت منها ..وكمان فعلا ممنوع الزيارات وياريت بس كدة انت كنت متضايق وده غلط علشانك

كيوهيون(بغضب)  :ايه يعنى الى حصلها ..حصلها ى اى دكتور بدخل العمليه وكمان المفروض تستأذن وتتكلم باحترام  سيوهيون خافت من الصحافه كان كان  ممكن

هى كيو:وهى ماخفتش من الموت علشانك اهدى شويه علشان ما تتعبش ارجوك كفايه لغايه هنا

كيوهيون:قصدك ايه بموت

هى كيو:مش قصدى حاجه

(دخل جونغ سوك الاوضه وهو بيبتسم ودور بعنيه فى الاوضة على سى را)

جونغ سوك:مدام هى كيو ارجوكى روحى لرئيس القسم وهو هيشرحلك حاله كيوهيون بس الاول انا بعتذرلك على القلق الى حصل

(وانحنى ليها)

جونغ سوك:وحضرتك تقدرى ترفعى قضيه كمان

هى كيو:ليه

جونغ سوك:الاشعه الاولى كانت غلط  بتاعت رسم القلب

هى كيو:ها

جونغ سوك: كيوهيون كويس مش محتاج تبرع بالقلب ده كان المريض التانى الى اتنقل لمستشفى تانيه

(بصت هى كيو بفرحه لكيوهيون وراحت اخدته فى حضنها وقعدت تعيط )

هى كيو:شكرا شكرا شكرا ليك انك طمنتنى على ابنى

 جونغ سوك:الحمد الله انه بخير..(بص حواليه تانى) هى فين سى را

هى كيو:تعبت واغمى عليها ونقلوها اوضه تانيه

جونغ سوك:طب بعد اذنك هروح اطمن عليها واعرفها الاخبار يمكن و حضرتك تقدرى تفهمى كل حاجه من رئيس القسم(خرج جونغ سوك بسرعه من الاوضه)

كيوهيون:انا عايز اجى معاكى

هى كيو (لمست شعره براحه):ابوك واقف بره وبطل تجهد نفسك ارجوك احنا ما صدقنا انك تفوق وانت عمال تتعب نفسك من ساعه ما صحيت عصبيه ونرفزة الحمد الله الموضوع الى كان تاعبنى خلص

كيوهيون:حاضر

(خرجت هى كيو  من اوضه كيوهيون وراحت لاوضه رئيس القسم لما دخلت لقت جوزها قاعده)

هى كيو(باستغراب):اون سو

اون سو(قام وقف من مكانه بصدمه):هى كيو

 يتبع......