Fans Love (15)

 حب المعجبين البارت الخامس عشر






لى سومان:اتصرفى بقى يا عبقرية  وورينى هتعملوا اية واغنية ظهوركم هتتأجل شوية  اه وبما ان ليكم البوم (بلهجه ساخرة) عايزك بقى اية تورينى قدرتك الرائعة فى التأليف  وفى خلال يومين الاغنية تجيلى كاملة ولو مجتش ما اشوفش وشك ولا انتى ولا فرقتك فى الشركة واليومين دول تعتبروهم اجازة ليكم كلكم (وبص لمنيرة وسلمى2) والانسة ميرنا ليها كلام معايا
سلمى1:عرض تو بى ام انا السبب فيه وبرضة انا الى قولت لمنيرة وسلمى يطلعوا معايا على المسرح
لى سومان:خلاص بقى يا استاذة بقيتى حضرتك المسؤلة ..بعد بكرة لو مجتليش  الاغنية مش عايز اشوف وشكم تانى فى شركتى
سلمى1:دييه
(مشى لى سومان وسلمى وشها احمر وعنيها دمعت..بومى قرب منها)
بومى:سلمى
سلمى1:عايزة اغير هدومى
منيرة:يلا
سلمى1:استنونى برة الاوضة عقبال اما ادخل لوحدى
سلمى2:بس
سلمى1:قولت استنونى برة
(وسبقتهم سلمى1 ودخلت غيرت وخرجت لابسة طقم عادى)
كيوهيون:سلمى ممكن نتكلم شوية
بومى:انا اسف
سلمى1:مونى انا همشى
منيرة:هتروحى فين
سلمى1:محدش لية دعوة بيا مفهوم
منيرة:نعم دة الى هو ازاى يعنى
سلمى3:اونى
سلمى1:لو حد قرب منى مش هيحصلة طيب
(ييسونغ جرى ومسك ايدها..راحت سلمى1 بصاله ووشها احمر لون الدم وعنيها مليانة دموع..وقتها ييسونغ ساب ايديها براحة وسلمى1 جريت)
بومى:سبتها لية
ييسونغ(بصوت مخنوق):عايزة تبقى لوحدها
(كيوهيون جرى وراها)
ييسونغ:يلا يا منيرة انتى وسلمى2 ادخلوا غيروا
منيرة:حاضر
(جت تغريد)
تغريد:مونى
منيرة:فى اية
تغريد:اسراء اختفت
سلمى2:اية
تغريد:بعد الخناقة خرجت ومحدش عارف هى فين
منيرة:طيب استنى اغير هدومى واجى معاكى
(فى نفس الوقت عند كيوهيون وسلمى1)
كيوهيون:بقولك استنى
(ومسك ايد سلمى1)
سلمى1:ابعد عنى
كيوهيون:اقفى نتكلم

(زقت سلمى1 ايد كيوهيون)
سلمى1:انا مش طيقاك ما تتكلمش معايا
(وركبت عربيتها وسابته...فى نفس الوقت كانت دينا روحت هى وساره1 ونسمة وميرنا البيت ولما عرفوا ان اسراء مش موجودة استنوا فى البيت لغاية اما منيرة وبقية البنات يروحوا وطبعا الشباب معاهم)
منيرة:بصوا احنا كلنا هننزل نبص على الاماكن الى احتمال تبقى اسراء فيها
ييسونغ:طيب وسلمى1
لى تووك:نروح احنا ندور عليها
تغريد(عيطت):انسوا خلاص بقى
بومى:قصدك اية يا تغريد
دينا:مادام سلمى1 مشيت يبقى مش هترجع الا لما تعوز ترجع
ميرنا:اسكتوا بقى علشان  نروح نشوف اونى اسراء الاول
شيندونغ:طيب اية احتمال الاماكن الى تكون فيها سلمى1
منيرة:مفيش مكان سلمى1 احنا ما الحقناش نقعد علشان يبقى ليها مكان لو فى مصر كانت هتبقى ....ميهمش عموما يلا نشوف اسراء وسلمى1 ان شاء الله هترجع على طول
سونغمين:موبيل اسراء مقفول
سلمى3:طيب يلا بينا وادينا يبقى لقينا واحدة
(واول لما نزلوا من العمارة وابتدوا يلفوا موبايل لى تووك رن)
لى تووك:يبسيو
هنرى:ياااه هيونغ عمال ارن على الباب ومحدش راضى يفتحلى لية
لى تووك:مش انت عارف الرقم السرى
هنرى:اه
لى تووك:طيب ادخل
هنرى:انتوا مش فى البيت
لى تووك:اه
هنرى:طيب انا هجيب حاجات من السوبر ماركت اجبلكم حاجة
لى تووك:لأ..سلام  دلوقتى
هنرى:سلام هيونغ
(هنرى نزل عمال يبرطم)
هنرى:اية المعاملة دى يعنى
(وهو ماشى شاف اسراء قاعدة فى كشك من بتوع السوجو ..بتشرب وقدامها حوالى سبع ازايز)
هنرى:ياااه مش انتى اسراء
اسرااء:اه انا  اسراء الوحشة الى خذلت فرقتى لية
هنرى:اية الى حصل
اسراء:مفيش تقريبا بس  دمرت فكرة ظهور فريقى بسبب غبائى وخوفى
هنرى:طيب ما طبيعى انك تخافى
اسراء:مش وناقص خمس دقايق على عرض حياه او موت
هنرى:ما تحمليش نفسك فوق طاقتك
اسراء:هههههه انا بجد تعيسة
(رن موبايل هنرى)
هنرى:يبسيو
لى تووك:ياااااه هنرى بما انك بتتمشى ما تشوف اسراء كدة بالمرة
هنرى:انتوا بتدوروا عليها
لى تووك:اه
هنرى:انا قاعد معاها
لى تووك:وما قولتش لية يا حيوان وسايبنا ندور
هنرى:وانت قولتلى انك بتدور عليها
لى تووك:طيب انتوا فين
هنرى:بلاش تيجوا دلوقتى انا هبقى اروحها
لى تووك:طيب
(عند لى تووك)
لى تووك:يلا اتصلى يا تغريد بالباقى اسراء مع هنرى
تغريد:الحمد الله
(وهما جايين يعدوا الطريق لى تووك وقف ينادى علي كيوهيون الى كان ماشى وراهم ببطئ هو وييسونغ تغريد عدت وكان فى عربية جاية بسرعة..وفجأة العربية نطرت تغريد)
لى تووك:تغريد ..تغريد
(جرى لى تووك على تغريد وشالها وكيوهيون وييسونغ كانوا وراه وراحوا على المستشفى طبعا الخبر دة وصل للبنات)
منيرة(عيطت):طيب انا اعمل اية بس واحدة بتموت منى والتانية معرفش هى عامله اية انا تعبت ياربى لية ما مامتش لية مارفضتش ان ماما وبابا يسافروا ويسبونا ااااااه
دينا:منيرة ارجوكى اهدى
ساره1:اكيد مش كلنا هنروح المستشفى
دينا:اه كفاية انا وساره1 ومنيرة
سلمى2:انا هاجى انا كمان
دينا:لأ
منيرة:خلوا سلمى1 تيجى
ساره1:موبيلها مقفول
(فى المستشفى..لى تووك كان قاعد على الارض بيعيط وكيوهيون وييسونغ جنبة)
ييسونغ:ما تقلقش يا هيونغ كل حاجة هتبقى كويسة
لى تووك:انا خايف اوى لتضيع منى
كيوهيون:مش تقلق يا هيونغ تغريد هتقوم  لينا بالسلامة
(وقتها البنات وصلوا)
منيرة:اخبارها اية
لى تووك:لسة داخلة اوضة العمليات
دينا:انا هاروح اسجل دخولها فى المستشفى
ساره1:خليكى انتى يا دينا انا هاروح
(ومشيت ساره1 وهى عند المدخل لقت سيون داخل جرى واول لما شاف ساره1 اخدها فى حضنة)
سيون:انتى كويسة
ساره1:اه
سيون:بجد
ساره1(عيطت):لأ مش بجد انا مش عارفة اعمل اية انا حتى مش عارفة اساعد مين منيرة المنهارة على حال اخواتها ولا دينا الى بتفتكر الحادثة ..ولا سلمى1 الى حياتها ادمرت  ولا انا الى اتحرمت من اهلى وشايلة كل حاجة فى قلبى وعاملة حجر علشان منيرة تلاقى حد تسند عليه..مش عارفة بجد اعمل اية ولا اية اوبا انا تعبت

سيون:اسندى عليا انا خلينى انا السند بتاعك انا الى هسندك وقت اما تحتاجينى وقت اما يكون قلبك مليان ومخنوقة تعالى احكيلى انا انا هفضل جنبك يا ساره وعمرى ما هسيبك مهما حصل
(وقرب منها جامد واداها بوبو)


سيون:بحبك ومش هسيبك
(وحضن ساره1...فى نفس الوقت فوق عند تغريد كان سونغمين وصل وزومى....منيرة كانت قاعدة على الكرسى بتعيط ولى تووك قاعد على الارض بيعيط وكيوهيون وييسونغ واقفين جنبة ودينا واقفة وبصة على اوضة العمليات وهى متنحة بتعبير وش جامد كل الى عملته انها قربت شوية من الباب ولمستة بأديها...سونغمين قرب من منيرة ومسك ايديها)
سونغمين:مش تخافى هى هتبقى كويسة



منيرة:تفتكر
سونغمين:ديييه
كيوهيون:دينا...دينا...دينا
ييسونغ:دينا
(راح ييسونغ يمسكها لقا جسمها بارد زى حتة التلج)
ييسونغ:دينا انتى كويسة
(منيرة قامت جرى عليها)
منيرة:دينا
دينا:عمو
(منيرة حضنت دينا بسرعة)
منيرة:مش ذنبك  انتى مفهموم ملكيش دعوة انتى
دينا:انا السبب لولاى كان عاش
منيرة:اسكتى يا غبية
(ومسكت ايديها ومشيوا من قدام الاوضة وخرجت بيها من المستشفى وكان سونغمين وييسونغ وزومى وراهم)
منيرة:روحى
دينا:لأ مش تانى
منيرة:قولتلك امشى من هنا
دينا:لأ
زومى:انا هاروحها
منيرة:اه ياريت اوبا روحها
دينا:لأ هفضل معاكى
منيرة:لأ امشى
(مسك زومى اديها ووداها للعربية اول لما مشيت دينا طلعت منيرة جرى لقت الدكتور خارج من  اوضة العمليات)
لى تووك:هى عاملة اية
الدكتور:الحمد الله هى كويسة رغم ان حادثة زى دى كانت ممكن تموتها بس عمرها ما انتهاش لسة  وحتى جروحها مش خطيرة للدرجه هى بس هتحتاج تيجى لمدة اسبوعين علاج طبيعى على رجلها علشان رجلها اليمين اتأثرت فى الحادثة وهتفضل رجلها شوية فى الجبس طبعا فى شوية جروح فى جسمها ووشها بس فترة وهتختفى خالص
منيرة:الحمد الله
لى تووك:هتقدر تخرج امتى
الدكتور:يعنى ممكن بكرة على بليل وقتها هتكون فاقت من البنج وهنقدر نطمن عليها
منيرة:شكرا شكرا
الدكتور:العفو دة واجبى
ساره1:الحمد  الله
سيون:كلمى البنات طمنيهم بقى
ساره1:حاضر
(اتصلت ساره1 بالبنات وعرفتهم الاخبار الى هدتهم شوية ..عند اسراء وهنرى)
اسراء:اجوما كمان ازازة هنا ارجوكى
هنرى:مش كفاية دى هتبقى ال11
اسراء:اخر واحدة ها
هنرى:لأ فوقى بقى ويلا بينا
اسراء:انا بس هشرب علشان انسى الى حصل علشان انام
هنرى:قومى يلا
اسراء:لأ كمان ازاة
هنرى:هقومك بطريقتى
اسراء:ما يهمنيش
هنرى:طريقتى مش هتعجبك
اسراء:بس بقى
(وقف هنرى بسرعة وقرب من اسراء واداها بوبو على  خدها)
اسراء:ها
هنرى:هتقومى ولا
(اسراء قامت وقفت بسرعة ومن سرعتها كانت هتقع لولا ان هنرى لحقها ..كان هنرى قريب منها اوى وكان ماسك اسراء من وسطها وثوانى وكان هنرى قرب اكتر من اسراء واداها بوبو على شفايفها بس طويلة...وبعدين بعد عنها)
هنرى:انا شكلى شربت كتير ولا اية
اسراء: هو انت شربت اصلا
هنرى:هههههه يلا نمشى
(وراح هنرى دفع الحساب وجية يبص على اسراء ما لقاهاش جية يخرج برة الكشك لقاها نايمة فى الارض )
هنرى:اااااااه انا اية الى خلانى ابص للمجنونة دى
(راح هنرى ناحيتها)
هنرى:ياااااه قومى هنا
اسراء:يا ماما بكرة اجازة من المدرسة ارجوكى سيبينى
هنرى:لا يا ضنايا فى طابور الصباح -_-
اسراء:انديييييييه شوية كمان ها
هنرى:يااااه كدة هيطردوكى من المدرسة يلا يا بت
اسراء:شيروووو
(قرب منها هنرى وشالها على ضهرة..فى البيت بتاع البنات كان البنات والشباب قاعدين مع بعض )
سلمى3:هما هيرجعوا كلهم بعد شوية
هيتشول:حتى لى تووك
سلمى3:اها كلهم
سدين:الحمد الله
كانغ ان:وانا لسة مكلم هنرى وعرفت انه جاى على البيت هو واسراء
ياسيمن1:طيب دينا فين ساره1 قالت ان زومى اوبا هيوصلها
سلمى2:انا هخرج اكلم زومى اوبا
(وخرجت سلمى2 البلكونة تكلم زومى وانهيوك خرج وراها)
سلمى2:يبسيو زومى اوبا
زومى:ديييه
سلمى2:انتوا فين
زومى:انا ودينا عند نهر الهان دينا اصرت نقف هناك
سلمى2:طيب ماشى ارجوك خد بالك منها اوبا
زومى:اراسو انيو
سلمى2:انيو
(وقفلت معاه وجت تخرج انهيوك مسك ايديها)
انهيوك:مش قولتلك ما تمشيش وتدينى ضهرك ابدا
سلمى2:عايز اية
انهيوك:انا اسف يا سلمى ارجوكى سامحينى



سلمى2:اوبا
انهيوك:صدقينى انا بحبك اوى وبغير عليكى ولما شفت بصة الاعجاب من الى حواليا اضايقت ما بالك بقى بناس تانية غريبة عنى هيشوفوكى وهيعجبوا بيكى..(عيط)بصراحة انا خايف تسبينى
(لفت سلمى2 لية وحضنتة)
سلمى2:انتى غبى ولا اية مين دى الى تسيبك انا مش هسيبك بالساهل كدة انا مش هسيبك غير لما اروح قبرى [بعد الشر عنك يا حبىٍ لوف يو يا بت ] يعنى انت هتبقى مسئول تمام عنى يبقى هتتجوزنى ونجيب عيال مقططين كدة زى ونقعد نلعب مع بعض
انهيوك:ههههههه موافق
(عند سلمى1 كانت سلمى1 بتسوق العربية بسرعة ومرة واحدة فرملت وابتدت تدور فى العربية على حاجة..ودة كلة سلمى1 حابسه دموعها فى عنيها)
سلمى1:اييييييش هى راحت فين بس
(وبعدين كأنها لقت حاجة )
سلمى1:هع لقيتها
(وطلعت صورة لبومى اخوها)
سلمى1:كويس انى مش بشلها من العربية
(لمست الصورة براحة )
سلمى1:بومى لو كنت هنا حاجات كتير هتبقى متغيرة صح
(رجعت سلمى1 راسها لورا وابتدت تعيط)
(عند هنرى)
هنرى:انتى بتاكلى اية اااااه هموت انا لازم اخيلها تخس او انا اتخن علشان انا خسيت اوى
اسراء:بجد انا فاشلة
هنرى:ياااه ما تقوليش على نفسك كدة ابدا
(وبعد شوية روح بيها البيت والبنات غيرولها هدومها)
هنرى:ضهرى بيوجعنى
ياسمين:هى اونى تقيلة  اوى
هيتشول:انتى مش شايفة الواد عصاية
هنرى:لأ هى مش تقيلة بس المسافة كانت كبيرة
ياسمين:ههههه طيب
هيتشول:يلا مش هنمشى ونسيبهم يناموا شوية ولا هنبات هنا
منيرة:هههه عادى تنوروا
سونغيمن:تصبحى على خير يا بطتى
الكل:ووووووووووووووووة
منيرة:انا اتفضحت
لى تووك:يلا بقى نمشى..هو فين ييسونغ وكيوهيون هما روحوا ناموا ولا اية
شيندونغ:معرفش نزلوا من شوية ومقالوش لحد
ساره1:هو السؤال الاهم فين دينا
ياسمين:اتأخرت اوى فعلا
لى تووك:هكلم انا زومى
(عند سلمى1 بعد اما عيطت شوية هديت وابتدت تسوق العربية تانى  لغاية اما وقفت قدام محل صغير فى منطقة بعيدة جدا دخلت سلمى1 المحل لقت فية ست كبيرة وشوية زباني قاعدين بياكلوا و بيشربوا سوجو)
سلمى1:انيوهسايو
الست:انيوهسايو
سلمى1:عايزة ازازتين سوجو لو سمحت
الست:انتى شاكلك ما اكلتيش يا حبيبتى تعالى
سلمى1:ها
(الست قامت مسكت ايد سلمى1 وقعدتها)
الست:استنى هنا ثوانى بس
(سلمى1 لقت دخلت المطبخ الى موجود وخرجت بصنية فيها اكل)
الست:انا كنت محضرا الاكل علشان ابنى لما ييجى بس هو هيبات برة النهاردة فكلى انتى الاكل
سلمى1:لالالا انا مش عايزة اكل
(مسكت الست ايد سلمى1 )
الست:وشك خاسس يا حبيبتى ولونة اصفر اية الى مضايقك
سلمى1:هههه انا كويسة اجوما
الست:لو انتى كويسة يبقى كلى الاكل دة وبعدين قومى
(جت سلمى1 تمسك المعلقة راحت وقعت منها..الست ابتسمت لسلمى1 ومسكت هى المعلقة)
الست:يلا قولى اااه
سلمى1:اااه
(وابتدت الست تأكل سلمى1 )
الست:اسمك اية بقى
سلمى1:اسمى سلمى..وانتى اجوما
الست:زمان خالص كانوا بيقولولى ميس لى
سلمى1:واو عجبنى  هقولك ميس لى
الزبون1:ياااه اجوما ازاتين سوجو هنا
(ميس لى قامت ومسكت سلمى1 المعلقة)
ميس لى:حاضر...كلى انتى يا حبيبتى لغاية اما ارجعلك
(سلمى1 ما اكلتش غير معلقة وبعدين فتحت ازاة السوجو وشربتها بسرعة)
ميس لى:انتى ما اكلتيش وشربتى دة كله
(وقتها  سلمى1 داخت اوى وكانت عايزة ترجع...ميس لى ساعدت سلمى1 ودخلتها الحمام وبعد اما خرجت سلمى1 لقت ميس لى واقفة مستنياها وهى ماسكة فوطة وفستان)
ميس لى:خدى امسحى وشك بدى وغيرى هدومك علشان تنامى
سلمى1:لأ انا هامشى
ميس لى:بعد الازازتين الى شربتيهم دول هخاف عليكى ..الفستان دة كان بتاع بنتى البسية يلا وانا هقفل المحل واجيلك
سلمى1:دييه
(بعد خمس دقايق خرجت سلمى1 من الحمام وراحت لميس لى)
ميس لى:يلا هنطلع فوق
سلمى1:ديييه
(وطلعوا فوق الشقة)
ميس لى:تيجى تنامى جنبى
سلمى1:اها
ميس لى:ههه يلا
(دخلوا جوة يناموا)
سلمى1:هى فين بنتك
ميس لى:ماتت من خمس سنين كانت فى نفس عمرك برضة
سلمى1:بسبب اية
ميس لى :حادثة
سلمى1:انا برضة اهلى ماتوا بسبب حادثة
ميس لى :طيب خلاص اعتبرينى زى اهلك وابقى تعاليلى ممكن حتى تعيشى معايا
سلمى1:انا عايشة مع اخواتى
ميس لى:خلاص ابقى تعالى خلينى اشوفك اصلك فيكى شبة منها اوى
سلمى1:حاضر
(حضنتها ميس لى وناموا)


 (عند دينا وزومى...دينا كانت قاعدة قدام نهر الهان وبتعيط  وزومى ساند بضهرة على العربية وباصص لدينا بحزن..وبعد شوية راح زومى جنب دينا وخلى راسها على كتفة)
زومى:ما تعيطيش دة مش ذنبك
دينا:عموكان هيبقى زمانه عايش لولا انه رجع علشان ينقذنى
زومى:ما تحمليش نفسك فوق طاقتك
دينا:انا وعدتة انى هحمي سلمى1 وادينى سبتها تضيع حد مد ايدة عليها ..وانا مش موجوده احميها..عمر ما قلب الواحد كان فى ايدة ما يقدر يجبر نفسة على حب اويكره شخص او حتى ينساه كأنه لم يكن بس انا عملت كدة
(عيطت دينا بحرقة)حبى الاول اتنازلت عنه يوم ما سلمى1 ما قالت انها حاست بالارتياح  ناحيه الشخص دة كتمت فى قلبى حب كيوهيون حاولت اتعايش مع ان دة حبى الاول اتنازلت عنه
زومى(تنح):وانتى لسة بتحبية
دينا:انا بحب سلمى عايزاها تكون مبسوطة حاسة انى السبب فى حادثة تغريد حاسة ان انا السبب فيها
زومى:مش انتى صدقينى
دينا:تعبت من حياتى تعبت انى مش عارفة اعمل حاجة لحد
زومى:هما لو كانوا بيلموكى ما كنوش هيبقوا كدة ما تعشيش كأنك مديونة لحد...حبى الى انتى عايزاه
دينا:انت لية انانى انت لية مش حاسس ان اخوها تؤامها مات بعدين امها وابوها لية مش مقدر انها قعدت تلت سنين مش بطتنق كل سنة يوم وفاه بومى بيجيلها حالة زى الغيبوبة تفضل اسبوع فيها..ازاى اخد اول واحد قلبها دق ليه ازاى ما اساعدهاش اختى الصغيرة حقى عليها كدة
زومى:وانتى
دينا:انا كبيرة انا هقدر اتصرف واتحكم فى نفسى
زومى:انتوا الاتنين فى نفس السن
دينا(مسحت دموعها):انت لو مديون لحد وطلب منك طلب هتعمل اية
زومى:هنفذ طلبه حتى لو اخر حاجة فى حياتى
دينا:طيب عمى طلب منى اعمل كدة احميها ازاى اقولها ان الانسان الى حبته انا كمان بحبة ازاى اجرحها
زومى:بس كدة بتجرحى نفسك
دينا:كيوهيون بيحبها وسلمى1 كمان بتحبه مهما يحصل هفضل معاها قرارها صح قراراها غلط
زومى:انتى كدة بتجنى على نفسك يا دينا
دينا:انا مش بجنى على نفسى انا عايزة اخلى اختى تعيش مستريحة شوية
زومى:بس
دينا:انا كل الى هبقى محتجاه شخص يحبنى انا مش حاجة تانية دة كفاية عليا
(موبايل زومى رن)
زومى:يبسيو
لى تووك:انتوا فين
زومى:راجعين اهو
لى تووك:طب طمن دينا تغريد كويسة ويادوبك بس على الصبح هتفوق من البنج والدكاترة يطمونوا عليها وتمشى معانا بليل بس لازم تروح جلسات علاج طبيعى لاسبوعين
زومى:بجد ..طيب ماشى يا هيونج
(وقفل معاه)
زومى:تغريد كويسة وهتخرج بكرة من المستشفى
(نطت علية دينا وحضنتة)
دينا:الحمد الله الحمد الله...شكرا اوبا انت اول واحد انا اقدر احكيلة كل حاجة من غير ابقى خايفة ان هو يقلل منى ...هيييييييح يلا نروح
(وسابت زومى وجريت على العربية ...زومى فضل باصص ليها وهو متنح ونبضات قلبه بتدق بسرعة لدرجة انه حس ان قلبة هيقف من الفرحة....بعد اما روحوا منيرة اخدت دينا فى حضنها)
منيرة:بصى يا قلبى ولا حاجة بسببك الى حصل زمان ولا الى هيحصل دلوقتى بسببك كل دة مش بايدك دة حصل وانتى كنتى هناك مش انتى السبب
دينا:اونى انا كويسة
منيرة:لا مش كويسة يا دينا اسمعينى يا بنتى ما تشليش حاجة فوق طاقتك مش انتى السبب وانتى مش عليكى دين لحد انتى تعيشى حياتك زى ما تحبى ما تربطيش نفسك بحد ابدا يا دينا اسمعي كلامى واخر مرة اسمعك تقولى انتى السبب
(عند سلمى1 صحيت سلمى على الفجر وعلى صوت حاجات بتتكسر برة فى الصاله خرجت سلمى1 لقت ميس لى عماله  تدور على حاجة وقلبا الدنيا عليها)
سلمى1:فى اية
ميس لى:هى را بسرعة هاتيلى دوا القلب
سلمى1:هو فين ميس لى
ميس لى:هى را بنتى
سلمى1:ديييه اوماه
ميس لى:الدوا بتاعى
سلمى1(وهى بتعيط):فين
ميس لى:هناك
(وشاورت على درج راحت سلمى1 قعدت تدور لغاية اما لقت علبة البرشام وادتها منها ودخلتها تنام وفضلت سلمى1 قاعدة جنبها لغاية الصبح)
ميس لى:انتى اية الى مقعدك كدة
سلمى1:انتى مش فاكرة الى حصل
ميس لى:لأ
سلمى1:يا ماما انتى لازم تريحى نفسك شوية ماشى
ميس لى:انا لسة صاحية وكمان لسة هنزل المحل
سلمى1:ارجوكى سيبينى اشتغل انا النهارد
ميس لى:لأ طبعا
سلمى1:لأ انا هشتغل بدالك النهارده يلا اعملى الى انتى عايزاه النهاردة...اه استنى ثانية
(وخجرت بسرعة وجت شايلة الفطار)
سلمى1:يلا نفطر سوا الاول
ميس لى:ديييه
سلمى1:^^
(وبعد الفطار سلمى1 نزلت المحل وميس لى نزلت بس علشان تعرفها هتعمل اية..اما عند البنات..منيرة دخلت صحتهم وكلهم اول لما صحيوا دخلوا اوضة سلمى1 يشوفوها ما لقوهاش...وقفت منيرة وسدين يحضروا الفطار..وشوية واسراء قامت)
منيرة:صح النوم يا هانم
اسراء:هى فين اونى سلمى1
سلمى3:مش موجودة
اسراء:فين
البنات:ما نعرفش
اسراء:دة الى هو ازاى
ياسمين:خرجت وما نعرفش راحت فين
اسراء:طيب حد دور عليها
سلمى2:لأ هى وقت اما هتهدى هترجع بمزاجها
اسراء:طيب واونى تغريد
دينا:فى المستشفى
اسراء:يالهوى لية
ساره1:حصلها حادثة امبارح وانتى سكرانة
اسراء:بسببى
منيرة:لأ يا قلبى
اسراء:طب مش هنروح نعتذر ليها فى الشغل
منيرة:يلا يا ضنايا احنا اترفدنا بسبب حركة سلمى1 علشان تنقذ العرض
اسراء:علشان ما طلعتش معاها
سلمى2:الله اعلم
سلمى3:الحل الوحيد ان اونى سلمى1 تألف اغنية لينا
اسراء:ودة ماله ومالنا
سلمى2:شروط  لى سومان كفاية ان مد ايدة على سلمى1
دينا:ما تفكرنيش ممكن
(شوية والباب رن)

منيرة:مييين

ستوووب الشابتر خلص ^^

تعليقات

إرسال تعليق

المشاركات الشائعة من هذه المدونة