Fans Love (31)

حب المعجبين البارت ال31

اسفة كتير على التأخير بجد بس عوائق كتير حصلت ومشاكل ومكنتش فاضية انى اكتب 

سلمى2:هومفيش حد هنا ولا اية غيرك اوبا

انهيوك:مفيش

سلمى2:مالك اوبا انت سكران ليه

انهيوك:سلمى انا مش فايق اتكلم انتى سألتينى انا فين وانا رديت خلاص اية الى جابك

سلمى2:اوبا فهمنى الى حصل

انهيوك:سلمى  اطلعى برة

(سلمى2 تنحت ووشها احمر)

سلمى2:اوبا ارجوك فهمنى الى حصل

انهيوك:انا وانتى مش هنكون لبعض انتى عايزة حااجة وانا عايز حاجة يبقى مش هينفع نكون لعبض

سلمى2:طيب فهمنى بس اية الى مش هينفع واكيد هنلاقى حل

(مسك انهيوك ايد سلمى2 بعصبية وزقها برة الشقة)

انهيوك:امشى يا سلمى

(وقفل انهيوك الباب فى وشها ودخل وقفت سلمى2 قدام الباب مصدومة وقعدت على الارض وفضلت تعيط)

(فى الشارع دينا ومنيره ماشيين ماسكين ايد بعض وبيغنوا)

دينا:انا جعانه

منيرة:واية الجديد يا حبى تعالى نروح اى كشك  من هنا ناكل اى حاجة

دينا:ييييييييس لوف يو بس انتى جايبة محفظتك طبعا

منيرة:امال هعتمد عليكى انتى

دينا:طبعا محدش يعتمد عليا انا

(دخلت سلمى2 الشقة ودخلت جرى على اوضة سلمى1...خمس دقايق وتغريد دخلت الاوضة بتاعت سلمى دخلت لقت سلمى2 مغطية وشها بالبطانية)

سلمى2:سلمى انتى جيتى

تغريد:لا دة انا تغريد بتعملى  اية هنا

سلمى2:مفيش عايزة اقعد هنا

تغريد:فى اية يا حبيبتى

(وراحت قعدت  جنبها على السرير )

تغريد:اتخانقتى تانى مع انهيوك

سلمى2:تغريد سيبينى فى حالى

تغريد:يعنى اية يا سلمى

(وشدتها من على السرير)

تغريد:بقولك فهمينى اية الى حصل

سلمى2:انهيوك طردنى من الشقة ومش عايز يشوفنى وبيقولى كل حاجة هتنتهى يا تغريد

(واترمت فى حضن تغريد وعيطت بحرقة)

تغريد:هار اسود لية اية الى حصل

سلمى2:مش عارفة حاجة خالص يا تغريد مرة واحدة

تغريد:فى حاجة اتكلمتوا فيها

سلمى2:لا

تغريد:طيب اخر مرة خالص كنتوا فيها مع بعض اتكلمتوا فى اية

سلمى2:مش فاكرة  اوى بس كنا بنتكلم عن الشغل بتاعى وكدة

تغريد:يبقى دة ممكن يكون السبب يا سلمى

سلمى2:مش فاهمه

تغريد:انتى عارفة ان انهيوك بيغير وكدة واكيد انتى ومنيرة مش راقصين مع السوجو بس ولو حصل اى ظرف ممكن كمان تروحوا شركة تانية فانهيوك دة ممكن يكون سبب الخناقة وانه عايز يبعد ان شغلك هيبقى متعارض وكدة مع اهله

سلمى2:يعنى دة هيبقى سبب انه هو سببنى يا تغريد

تغريد:احنا لسة ما نعرفش حاجة يا سلمى ان شاء الله بكرة هنفهم كل حاجة

(عند دينا ومنيرة)

دينا:ععععععع

منيرة:اية يخربيتك

دينا:لية الحياه عماله تصعب علينا يا مونى انا تعبت جدا

منيرة:قدرنا

دينا:هههههه والله بجد قدرنا متعب نفسى بقى نرتاح يا منيرة انا نفسى نرتاح بقى ونهدى ونبقى مبسوطين كلنا

منيرة:شكل دة عمرة ما هيحصل بس دى متعة الحياه نفسها يا حبى لازم يبقى فى ايام كدة علشان لما ييجى يوم حلو تحسى بطعمه

دينا:بقالنا فترة طويلة محسناش طعم اليوم حلو يا مونى

منيرة:هانت سدين قربت تتجوز ووقتها هنبتدى  نفك شوية ان شاء الله

دينا:انا بجد نفسى نخلص شوية من المشاكل ونبتدى نعيش بقى حياتنا من غير هم

منيرة:ياااااااه دة لسة بدرى فى بلاوى عايزين نجوزهم الاول

(فى البيت البنات رجعوا)

سلمى1:جينااا

تغريد:نورتى يا اختى

سلمى2:سلمولتى

سلمى1:اية يا حبى

سلمى2:وحشتينى

سلمى1:وانتى كمان انا هدخل انام

تغريد:استنى انتى وهى انتوا اتأخرتوا لية

اسراء:اخيرا حسينا شعور الطلبة واحتفلنا مع الطلاب بمناسبة تخرج شوية منهم وحبة رايحين الجيش فضلنا نرقص ونغنى اينعم مش شربنا كحول بس العصير كان حلو

تغريد:انتى اتحسدتى ولا اية يا سلمى

سلمى1:انا مش شريرة اوى وكمان الى هو رئيس الطلاب دة اقنعنى وشكله فان لميرنا هههههههه

ميرنا:الله بجد علشان كدة فضل يجبلى عصير والحلويات الى بحبها

سلمى1:هههههههه اى خودعه..هدخل انام وانتوا كمان يلا عايزين نخلص ونصحى بكرة بدرى

البنات:اراسو

(ودخل البنات يناموا على طول)

تغريد:يلا يا حبى ادخلى نامى

سلمى2:عايزة اقعد شوية

تغريد:لا يلا علشان تصحى بدرى للكلية

سلمى2:ها

تغريد:يلا احنا مش هنوقف حياتنا على حد

سلمى2:اراسو

(شوية ودخل دينا ومنيرة)

تغريد:انتوا شربتوا كحول ولا اية

منيرة:شوية مش تقلقى

دينا:يلا ننام يا مونى هنام  فى حضنك النهاردة

منيرة:تعالى يا حبى

تغريد:ادخلوا يلا يا مواكيس انا هستنى ايثار وانتصار ونسمة

منيرة:طيب ماشى معلش يا تيتو

تغريد:-_- ماشى يا اختى

(فى مطار انشتون نسمة وهى خارجة مع اصحابها لقت حد واقف وماسك اسمها على ورقة...راحت نسمة ناحيته)

نسمة:ايوة انا نسمة

الشاب:انا جاى من طرف ريووك

نسمة:ها

الشاب:ممكن تيجى معايا

نسمة:انا

الشاب:ايوة مش انتى نسمة

نسمة:اه انا

الشاب:طيب يلا علشان هوصلك

صاحبة نسمة:مين يا نسمة

نسمة:ميخصكيش انتى ههههه...سلام يا كلاب

(ومشيت مع الشاب لغاية العربية واول لما ركبت لقت حد بيحضنها..نسمة صرخت طبعا)

ريووك:ياااه

نسمة:اوبا خضتنى

ريووك:وانتى حشتينى اوووووى

نسمة:انت عرفت منين انى جاية النهاردة

ريووك:سألت منيرة ههههههه

نسمة:بس انا ضاحكة على منيرة وقايلة ان الطياره هتوصل 4 الفجر

ريووك:وانا سألت المطار الطياره هتوصل امتى

نسمة:ههههههه

ريووك:يلا تعالى بقى نروح مشوار سريع

نسمة:اراسو

(وساق ريووك العربية وطول الطريق ماسك ايد نسمة )

نسمة:سيب ايدى وركز فى الطريق

ريووك:لا انا مركز هههههه

نسمة:هنروح فين طيب

ريووك:شقتنا

نسمة:ها

ريووك:اية

نسمة:شقه مين

ريووك:اشتريت شقة

نسمة :دة ليه

ريووك:انتى غبية يا بت يعنى لما هنتجوز هنقعد فين

نسمة:ها نتجوز

ريووك:نسمة فوقى كدة

نسمة:لأ بجد ان هتجوزك

ريووك:هههههه امال عندك عريس تانى غيرى

نسمة:اه هو فية بس بجد هتتجوزنى

ريووك:عريس مين دة بقى

نسمة:واحد  معايا فى الجامعه

ريووك:خلاص مفيش نزول من هنا ورايح غير لما اجيب خاتم الخطوبة علشان محدش يفكر يبص لمراتى

(وضغط على ايديها وابتسم...قربت نسمة بسرعة وادته بوبو على خدة وقف 

ريووك العربية وركن)

ريووك:لا احنا كدة نركن بقى

نسمة:فى اية

(شدها ريووك..ناحيته واداها بوسة مش على خدها خالص...وبعد  عنها وضحك ضحكة شريرة ومشى بالعربية...عند البنات)

انتصار:انا جيت

تغريد:ازاى بالسرعة دى

انتصار:الممثل الرئيسى كان وراه تصوير تانى فقاموا اجلوا تصوير مشاهد وكدة

تغريد:طيب يلا ادخلى غيرى ونامى

انتصار:طيب بس بصى دونغهى جاى هنتمشى شوية

تغريد:دلوقتى

انتصار:بقالنا كتير ما بنشوفش بعض اية فى مانع

تغريد:شوفيه يا اختى وانا فتحت بوقى

(دخلت انتصار تغير والباب رن)

تغريد:دة الموكوس

(راحت فتحت الباب لقت كيم جون داخل وشايل ايثار )

تغريد:هى كويسة

كيم جون:ما  تقلقيش دة هى نامت واحنا جايين فى الطريق فطلعتها بس

تغري:اه طيب الحمد الله

(دخل دونغى الشقه)

دونغهى:انا جيت

تغريد:نعم

دونغهى:فى اية يا تغريد بتعاملينى كدة اية ولا علشان انتى مرات الاخ الكبير

تغريد:اتلم ياض

دونغهى:جووون ازيك

كيم جون:انا كويس

دونغهى:اية الى جابك الساعة دة

تغريد:يا اخى طيب اسأل نفسك

دونغهى:تشغلش بالك بيها يا جون خير اية الى حصل

كيم جوون:ايثار واحنا جايين نامت فطلعتها

دونغهى:هى تقيلة

كيم جون لأ

دونغهى :امال انتصار تقيلة لية رغم انها رفيعه

تغريد:طيب والله لاقولها يا دونى

دونغهى:استرى عليا يستر عرضك يا اختى دنيا واخره

تغريد:خلاص يا اخويا خلاص انا هنادى على انتصار ندخل الميته دى جوه وبعدين شوفوا طريقكم

كيم جوون:طيب انا همشى انا

تغريد:طيب مش هتشرب حاجة قبل اما تمشى

كيم جوون:لا الوقت متأخر جدا وكمان فى ناس ممكن تولع فى البيت لو قعدت (وشاور على دونغهى)ههههههه

تغريد:لأ سيبك منه دة اليف جدا

دونغهى:على اساس انى بوبى

تغريد:لأ بس كيوت اوى

دونغهى:يوووة بس بقى بؤحرج

كيم جون:لا كدة انا لازم امشى سلام يا تغريد

تغريد:مع السلامه اوبا

(نزل كيم جون)

تغريد:يلا بقى خليك جدع ودخل البت اوضتها

دونغهى:نعم وانا مالى يا اختى ما خلتيش حبيبها يدخلها لية

تغريد:هقولك لية كيم جون عمرة ما دخل البيت قبل كدة وهتكثف  اقولة يدخلها يعنى وكمان انتصار جوة الاوضة وغير كدة حضرتك لما بيطردوك بتيجى تبات معانا هنا وتقرفنا

دونغهى:وجه نظر وكمان هدخل افاجئ صرصورتى هع هع

(دخل دونغهى الاوضة وهو منشكح وانتصار كانت لسة بتدخل راسها فى التى شيرت..دونغهى بص وتنح)

انتصار:ياااااااااااااااااااااااااااااااااااااه بررة حالا

(رمى دونغهى ايثار على الارض وخرج جرى وقفل الباب جت تغريد جرى)

تغريد:فى اية فى اية

دونغهى:انتصار...انتصار

تغريد:مالها

دونغهى:ما كنتش لابسة غير بنطلون ووبدى حماله هههههههههههههههه واخيرا اول مرة احسها سيكشى

(لطشتة تغريد على وشة)

تغريد:يااااه انت منحرف مش المفروض تخبط على الباب وتستأذن

دونغهى:نسيت اصلى بدخل على طول كدة اوضة العيال

تغريد:يااااااه دول صبيان دى شقة بنات

(خرجت انتصار وشدت دونغهى من شعره)

انتصار:انا هعلمك الادب يا منحرف قعدتك مع هنرى بقى تطول عععععععععععع

دونغهى:انتى محسسانى انك كنتى عريانه امال التى شيرت الاسود الى بحمالة دة كان اية ها ردى وكمان ما انا هبقى جوزك

انتصار:اتصدق صح

(بصت بشر لية وشدته جامد من شعرة ومشيت بيه ناحيه الباب)

انتصار:تغريد لو حد سأل عليا قولية انى بدفن جثة دونى فى الجنينة الى ورا

تغريد:لأ بلاش ديما برضة لسة قايلاه من كام يوم  انها هتعمل كدة فى كريس وفى الاخر رجعت فى كلامها روحى جنينة تانية يمكن دة يحصل

انتصار:ماشى... ورايا يا منحرف

تغريد:ياربى هعمل اية فى الجثة دى (وبصت على ايثار واول لما قربت تلمسها)

ايثار:ععععععععع انا صحيت صحيت فى اية

تغريد:يخربيت اهلك يا شيخه فزعتينى قومى يلا اتنيلى يا زفته وروحى على سريرك

ايثار:فين جون

تغريد:مشى يا حبيبتى ادخلى يلا

ايثار:طيب ماشى

(واتكومت فى الارض وكملت نوم)

تغريد:عععععع قلبى الصغير

(عند ريووك ونسمة فى الشقة)

ريووك:اية رأيك فى الشقة

نسمة:حلوة بس كبيرة اوى اوبا

ريووك:طبعا لازم تبقى كبير علشان عيالنا

نسمة:احنا هنجيب كام عيال ههههه

ريووك:15 واعمل سوبر جونيور جونيور ههههههه وكلهم ياخدوا موهبة ابوهم ويكملوا المسيرة

نسمة:لا بجد

ريووك:وماله 15 عيل حلو اوى

نسمة:وحضرتك عايز كل سنة عيل ولا كل شهر علشان اعمل حسابى

ريووك:خلاص يا ستى عايز تلاتة ويعملوا كراى

نسمة:لالالالالا دة انا اجيب 15 على انى اجيب تلاتة يعملوا فيها عبلة كامل ابدا

ريووك:كدة يا نسمتى

نسمة:ما انت الى نكد انت واصحابك يا ووكى

ريووك:طيب يلا يا بت علشان نمشى

نسمة:اه ياريت علشان تعبانة وهموت وانام

ريووك:بعد الشر عليكى..يلا بينا

(ومسك ايديها وخرجوا من الشقة...روحوا على البيت)

تغريد:اية دة جاية بدرى لية يا موكوسة

نسمة:شكرا شكرا

تغريد:لأ بجد

نسمة:انا جاية بدرى عن كدة كمان

تغريد:امال كنتى فين -_-

نسمة:ابدا مفيش دة بس قابلت ريووك  وورانى الشقة بتاعتنا المستقبلية

تغريد:ها

نسمة:اية

تغريد:شقة اية

نسمة:ريووك اشترى شقة لينا ععععععععععععععععععع

تغريد:مبروووك اخيرا بقى  يارب نخلص منك

نسمة:فى اية يا ولية محسسانى انى قاعدة على قلبك

تغريد:اااه كككككككك

نسمة:يلا انا هدخل انام بقى

تغريد:وانا كمان بقى ااه بس البت انتصار برة البيت

نسمة:طيب ما تتدخلى تنامى وخلاص

تغريد:اندييه هستناها

نسمة:زى ما تحبى

(دخلت نسمه اوضتها وتغريد راحت تقعد على الكنبه..عند انتصار ودونغهى)

انتصار:انت بطلت تحبنى

دونغهى:ياااه مين قالك كدة بس

انتصار:حاسة انك بطلت تحبنى

دونغهى:مقدرش ابطل احبك

انتصار:طيب قولى انهيوك ماله وانا هصدق انك مش بطلت تحبنى

دونغهى:انهيوك ماله

انتصار:ياااه رد عليا انهيوك  ماله بيعامل سلمى2 كدة لية

دونغهى:معرفش

انتصار:دونى حبيبى يلا يا بيبى قول فى اية

دونغهى:ما انا لو قولتلك هيقول عليا بفتن

انتصار:افتن يا دونى وانا هقول العصفورة الهبله هى الى قالتلى

دونغهى:دة بجد

انتصار:اة يا حبيبى ها انهيوك ماله بقى

دونغهى:اهله معترضين على سلمى2

انتصار:يادى النيله لية

دونغهى:علشان هى دانسر وكدة وام انهيوك نوعا ما محافظة

انتصار:لمصيبة لامك تعترض عليا انا كمان

دونغهى:لا اولا ماما عارفة انى احتمال كبير انى اتجوز ممثلة ثانيا ماما عايزة اى واحدة ترضة تتجوزنى فأنها تلاقى واحدة زيك هيبقى بالنسبة ليها حاجة ما تتعوضش

انتصار:امك بتدبسنى ..ها عموما برضة مش فاهمه انهيوك قفش بقى من سلمى2 لية

دونغهى:هو سألها من فترة يا سلمى تقدرى تسيبى الرقص وكدة سلمى2 رفضت وقالت ان دة اكتر حاجة بتحبها ومش هتقدر تسيب الرقص وكدة فانهيوك قال انه هيبعد عنها علشان تقدر تشوف مستقبلها

انتصار:صدقنى انت وصاحبك عيال تافه

دونغهى:ليه بس

انتصار:كدة علشان انتوا تافهيين فعلا اه والله يا جدع يعنى هيسيبها علشان الرقص صدقنى صاحبك دة متخلف وهروح الطشلة

دونغهى:فهمينى بس

انتصار:سلمى2 اصلا اتدربت على الرقص وكدة علشان تبقى مع انهيوك على طول يا متخلفين

دونغهى:دة بجد

انتصار:لا بهزار..سلمى2 بتحب الرقص علشان بتكون مع انهيوك لا اكتر ولا اقل بس لو هو قالها سيبى الرقص علشان نقدر نتجوز سلمى2 هتتخلى عنه بسهولة

دونغهى:احلفى

(وقام شال انتصار ولف بيها)

انتصار:نزلنى يا مجنون

دونغهى:عععععع فرحان جدا  يعنى مش هينفصلوا عن بعض يييس

انتصار:طيب لازم نصالحهم على كدة بقى

دونغهى:امممممم هنعمل اية

انتصار:معرفش

(نزل دونغهى انتصار  على الارض وابتدى يفكر )

دونغهى:انا ممكن اكلم انهيوك واقولة انى تعبان وكدة وهو ييجى

انتصار:تعالا نعمل زى فتيان قبل الزهور ونتصل بيه نقولة سلمى2 عملت حادثة وكدة

دونغهى:لا الموضوع عبيط اوى وانهيوك ممكن يطب ساكت

انتصار:شت

دونغهى:بس لقيتها

انتصار:قول يا حبيبى

دونغهى:احنا اية

انتصار:اية

دونغهى:نديهم منوم وننقلهم فى نفس الشقة وبعدين نولع فى الشقة انهيوك هيحصى هيلاقى الشقة بتولع هيشيل سلمى2 وهو خارج خشب من السقف هيقع انهيوك هيحاول يصدها تقوم سلمى2 زقه انهيوك سلمى2 تتشوه ومش ترقص تانى هع هع اما انا عليا افكار

انتصار:ها

دونغهى:اية رأيك

انتصار:غور من وشى يا جزمة يا معفن هتشوه البت علشان صاحبك الهى تولع انت وصاحبك عيال هبل صحيح

دونغهى:طيب قوليلى حل يا ست الفيلسوفة

انتصار:مفيش غير قاصفة الجبهات الى فى البيت

دونغهى:سلمى لا سلمى لأ

انتصار:ما تسترجل ياض كدة سلمى لأ لية دى كيوت احم بعض الاوقات يعنى

دونغهى:هنقولها امتى

انتصار:حالا يلا بينا

دونغهى :طيب انتصار

انتصار:ها

(اداها بوبو)

دونغهى:بحبك

(انتصار وشها احمر وطلعت جرى)

دونغهى:ياااه من امتى وانتى عندك دم هههههههههههه

(وطلعوا على الشقة)

تغريد:يااااه كويس انك جيتى هدخل انام انا بقى

انتصار:فين سلمى1

تغريد:طبيعى البشر بيبقوا نايمين دلوقتى

انتصار:هى ايدول المفروض تصحى من بدرى

دونغهى:بالظبط المفروض اصلا ما تنامش

تغريد:ما انت بتنام

دونغهى:مفيش كومباك ههههه

انتصار:ايا كان احنا محتاجينها حالا يلا يا دونى

تغريد:ما تصحهاش

انتصار:شوية بس محتاجينها

(ودخل دونغهى وانتصار اوضة سلمى1)

انتصار:سلمى سلمى سلمى سلمى سلمى سلمى سلمى

سلمى1(وهى مغمضة عنيها):ايييييييييييه يخربيت الزن

انتصار:بصى يا سلومتى

سلمى1:ها... سيبينى انام ابوس ايدك

انتصار:اسمعينى بس

سلمى1:ها ارغى بسرعة

انتصار:عايزين نصالح سلمى2 وانهيوك

سلمى1:هما متخانقين

انتصار:يوووة موضوع طويل

سلمى1:احكى

دونغهى:بصى يا ستى هحكيلك انا

سلمى1:انتى صوتك مخشن  كدة ليه

انتصار:ما دونغهى هنا

سلمى1:بيعمل اية

دونغهى:بتفسح

انتصار:عايزين نخلص

سلمى1:اوف ها احكوا وخلصونى

دونغهى:بصى يا ستى اية بقى

سلمى1:لا كدة هقوم اضربة

انتصار:اسكت انت ابوس ايدك....بصى يا سلومتى ام انهيوك رافضة ان سلمى2 تكون راقصة

سلمى1:ومالهم الرقصين يعنيا

انتصار:سلمى فوقى يا حبيبتى احنا مش فى كبارية

سلمى1:اه صح كملى

انتصار:ايا كان رافضة انها تكون على المسرح وكدة من ضمن الراقصين فانهيوك لما كلم سلمى2 على الرقص قالتله انها بتحب الرقص جدا وصعب تتخلى عنه فانهيوك قال انه هينفصل عنها علشان مش تسيب الى بتحبه

سلمى1(وهى بتتاوب):دة غبى دة اهى اصلا  سبب انها تختار الرقص انها تبقى متنيلة جنبه

دونغهى:هييييييح قصة حب عميقة

سلمى1:برة ياض

دونغهى:ايا كان بقى انهيوك بيعامل سلمى2 وحش جدا وبقى يشرب خمرة كتير انا خايف على صحته L ععععع

سلمى1:لا حقيقى اطلع برة

دونغهى:هو انتى هتفضلى تكملينا من تحت البطانية كتير كدة

(شالت سلمى1 البطانية من على وشها وبصت لدونغهى بقرف  وراحت مغمضة عنيها وفضلت قاعدة)

سلمى1:هااخلصوا اية المطلوب منى

انتصار:خطة حلوة نخليهم يتصالحوا

سلمى1:لا بجد [عارفين صوت الازاز لما بيتكسر من الخضة الى هوالانصدام فى الواقع دة بالظبط الى حصل]

انتصار:اه والله

سلمى1:يعنى انتى بتصحينى من النوم علشان تقوليلى عايزين خطة حلوة نصالح بيها سلمى2 وانهيوك وانتى اية مفيش مخ والموكوس دة كمان

انتصار:الموكوس دة فكرة فى اننا نخطف الاتنين بعداما نديهم منوم ونحطهم فى شقة لوحدهم

سلمى1:ها مش بطال كملى

انتصار:وبعدين نولع فى الشقة انهيوك يصحى يلاقى سلمى2 يشيلها ويجرى بيها وهما خارجين حتة خشب مولعة تقع على انهيوك سلمى2 تصدها بجسمها وتتشوة وفى الاخر تبطل رقص

(سلمى1 فتحت عنيها على الاخر وتنحت)

انتصار:اديك شليت البت ادعى عليك بأية وانت فيك كل العبر

سلمى1:بس افرضوا حتة الخشب دى مش وقعت او لما هتيجى تقع سلمى2 مش هكون لسة فاقت فممكن تقع على انهيوك والخطة تفشل

انتصار:ها انتى اتهبلتى انتى كمان

دونغهى:ما هو دة الى انا كنت بفكر فيه يا سلومتى بصى احنا ممكن نحطهم فى اللوكيشن من بتوع التصوير دول ونظبط مع حد

سلمى1:فكرة حلوة بس مين بقى هيساعدنا وعايزين عربية اسعاف

انتصار:سلمىىىى فوقى يا ضنايا دة اهبل وعبيط

سلمى1:اه صح نسيت كملى (ورجعت تانى غمضت عينها وهى قاعدة)

انتصار:ركزى كدة هنعمل اية

سلمى(بصوت نايم)1:نبين لانهيوك ان سلمى2 مش هتقدر تعيش من غيرة

انتصار:دة ازاى

سلمى1:اول حاجة نفهم سلمى1 ليه انهيوك اتغير معاها علشان كدة هتفضل تزن وتعيط كتير ومش بعيد تتعب

انتصار:وجه نظر

سلمى1:تانى حاجة بقى

انتصار:اية

سلمى1:دونغهى هيقول بكرة لانهيوك كأنه مش قصدة يعنى

دونغهى:مش قصدى ازاى

سلمى1:عارف انت ميزتك اية

دونغهى:ايه

سلمى1:انك ممثل هكتبلك نص وروح اعملة على انهيوك

دونغهى:طيب احسن

انتصار:دونغهى هيقولة اية

سلمى1:ششششششششششش اسكتى بقى لاحسن الحيطان ليها ودان بكرة بس تفهمى انتى سلمى2 وانا لماارجع هفهمها الخطة وهكتب لدونغهى النص وهسيبه هنا وانتى ابقى اديه للمعتوة الى قاعد جنبك  يلا بقى برة علشان افكر بهدوء وانام

انتصار:هتروحى بكرة فين

سلمى1:شركة جيلى فيش علشان هتدرب مع فرقة فيكس

دونغهى:بجد انا سمعت ان كيوهيون برضة هيروح هناك بكرة

سلمى1:ليه

دونغهى:معرفش

سلمى1:طيب :\  اطلعوا برة بقى

دونغهى:شكرا

انتصار:شكرا يا محترمة

سلمى1:غصب عن عينك محترمة

انتصار:طيب اتكلمى صح الاول بقى

سلمى1:ما انا اتكلمت صح

انتصار:ايا كان يلا يا دونى

(طلع دونغهى وانتصار برة الاوضة وطلعت سلمى1 قلم وورقه وابتدت تكتب النص الى هيحفظة دونغهى..برة عند دونغهى وانتصار)

انتصار:اشوفك بكرة بقى

دونغهى:ماشى هاتى بوبو بقى الاول علشان امشى

انتصار:امشى وعيب بقى

دونغهى:ابدا هاتى بوبو

(قربت انتصار ادته بوبو بسرعة ودخلت الاوضة..ابتسم دونغهى ومشى...الصبح الساعه 9)

سلمى1:يلا اصحوا فوقوا اول يوم فى التدريب اول يوم فى التدريب يلا اصحوا بقى يا عيال

منيرة:اية النشاط دة

سلمى1:هقابل فيكس متوقعة ايه عععععععععع ليو ليو ليو  هيووك هيوووووك

ميرنا:انتى هتروحى الشركة الاول صح

سلمى1:اه شت L خلاص هاخدكم معايا اشوف لى سومان عايز اية وهنروح سوا

اسراء:ابداا احنا هنروح الاول وبعدين تعالى ورانا

سلمى1:اه يا كلاب

اسراء:شكرا شكرا

سلمى1:طيب هدخل انا اتنيل واغير وانزل بيس

اسراء:بيس

(دخلت سلمى1 غيرت وخرجت على طول)

منيرة:اية دة

سلمى1:ايه

منيرة:اية الى انتى لابساه دة

سلمى1:قميص وبنطلون يا منيرة فى اية

منيرة:مش عوايدك يعنى

سلمى1:ولا تشغلى بالك باى بقى خدوا حوب

(ونزلت سلمى1 جرى )

اسراء:حاسة ان البت دى ابتدت تفكتر كل حاجة

منيرة:وانا برضة

تغريد:لو افتكرت هيبان حاجة صح

دينا:الله اعلم

انتصار:سلمى2 خلصى فطار وتعالى الاوضة بسرعة

سلمى2:بس ورايا جامعه

انتصار:تعالى الاول بس

منيرة:ليه ها

انتصار:هذا ليش من شأنك اجوما

منيرة:شكرا يا زباله -_-

انتصار:ككككككككك

(فى شركة الاس ام دخلت سلمى1 الشركة وطلعت على مكتب لى سومان)

السكرتيرة:سلمى شى

سلمى1:ديييه

السكرتيرة:استاذ لى سومان راح اجتماع مهم وقالى انك تيجى المكتب هنا بعد اما تخلصى تدريب

سلمى1:ديييه

(خرجت سلمى1 من الشركة وهى عماله تبرطم كعادتها وباصة فى الارض وفجأه خبطت فى حد ولسة هتقع لقت نفسها فى حضنها فتحت سلمى1 عنيها ..)

سلمى1:اوبا

.....:لحقتك

ستووووووووووووب الشابتر خلص